என் ஆயுள் ரேகை திசைமாறி..... உன் திசை காட்டியே நிற்பது தான்... காதல் தேவன் நம் காதலுக்கு தந்த வரமும்.. எனக்கு தந்த சாபமும்.

ஓருபார்வையில் ஓராயிரம் அர்த்தங்கள் ஏனோ ? தர்க்கமோ , தத்துவமோ பேசவரவில்லை. # அபலை சிறுமி உதவி கேட்க்கும் தருணங்களில்.

பிரபஞ்சத்தின் கடைசிமனிதனும் நான்தானோ ? உன் விரல் கோர்த்து நடை பழகிய வீதியில்..... நான் மட்டும் தனிமையில் நடக்கையில். மனம் சொல்லியது ?

ஓரு ஜோடி சேர்ந்தது ? ஓரு ஜோடி தொலைந்தது ... திருமண வீட்டில் ... # செருப்பை யாருப்பா மா(லவ)ட்டிக்கிட்டு போனது ?

இருட்டறை சட்டங்கள்

கையூட்டு பெற்று கைதானவன் .... கையூட்டு கொடுத்து விடுதலையாகிறான். # வாழ்க வறியவர்களுக்கேயான நடைமுறைச் சட்டங்கள்.

சுமைதாங்கி

யார் ஏற்றி விட்ட சிலுவையோ ? இன்னும் சுமக்கிறாள். கேள்விக்குறியாய் வளைந்த முதுகுடன் கூன்காரக் கிழவி.

காதல் தேவதை

எனக்கான தேநீர், குவளையில் எப்போதும் நிரம்பியே வழிகிறது . என் கவலைகள் யாவும் உன்னை பற்றியேத் தான். #தூர தேசத்தில் என் நினைவில் ஒருத்தி.

அகம் ஒன்றும் புறம் ஒன்றும் வைத்து பேசித் திரிவதை விட.. நினைத்ததை வெளிப்படுத்துவது மிகச் சிறந்தது. சில பல காயங்களை தாங்கும் சக்தி இருந்தால்.

காதல் தேவதை

உன் ஆசிர்வாதத்தால் நிரம்பி வழிகிறது... வறட்சியான நிமிடங்கள் கூட ... குளிர் தரும் மௌன புன்னகைக்கு நீயே தான் காரணம்.